لاقلت أحبك إسكتي وإحضنيني /...الرابع

زياد نزل عيونه بالارض احترام : اوكي الدكتور يقول مالازم يتعرض لاي تعب او زعل .((وسكت ثم كمل)) انتو عندكم أخوان؟؟
فجر: لا اخوي الثاني مسافر برا يدرس
زياد: اجل يالله ارجعكم البيت
جوري: لاااااااااااا ابي عند سلمان
شادن اللي واقفه جنبهم : جوري حبيتي سلمان نايم وماراح يخليكم الدكتور تدخلون عنده قبل بكره
فجر: ايه صح ويالله نرجع البيت نرتاح شوفي ماما تعبانه خليها ترتاح روعتيها بصياحك
زياد يكلم شادن : اوكي انتظركم بالسياره صح انها صغيره بس تكفي ان شاء الله
فجر: لا حنا معنا سيارتنا
شادن: مهبوله؟؟؟ قولي الاولى سلمكم ربي من نقاط التفتيش مو كل مره تسلم الجره((وتلتفت لزياد)) تخيل تبي تسوق السياره وترجع
زياد: عطوني مفاتيحها اوديكم وارجع آخذها
فجر عطت المفاتيح لشادن عشان تعطيها زياد.. أخذها زياد وتحرك على سيارته شغلها وشغل المكيف عشان يمديها تبرد قبل يجون
ام سلمان مو قادره توقف نادت فجر وحده من الممرضات وقالت لها : نبي كرسي متحرك نودي ماما للسياره
الممرضه : سنو هادا سستر هادا ممنوع
فجر دورت شنطتها مالقتها طلبت من البنات 10 ريال وعطتها السستر عشان تودي امها ولما وصلوها السياره حاولو يركبون امهم ورا بس ماقدرو عشانها ثقيله
نزل زياد: لالا ركبوها قدام عشان ماتتضايق بالقعده
وقعدو يعافرون فيها البنات ..هو صعب يتدخل لأنها حرمه غريبه عليه ايلين ركبوها السياره
فجر بعد ماركبت امها وبدون شعور : يمه سوي ريجيم
امها اللي كانت شايله هم ولدها بس ضحكت من كلمة بنتها: شلتك ببطني تسع شهور
زياد كاتم ضحكته وركب
وركبو البنات ورا فوق بعض وقامت وريف توصف له البيت لين نزلهم
زياد: وريف .. شادن .. انت خلوكم داخل ابروح اجيب السياره لثانيه وآخذكم
شادن: اوكي


أخذ زياد تاكسي ويوم وصل مواقف المستشفى مو عارف السياره ولا شكلها ولا لونها ولا حتى لوحتها
طلع جواله واتصل على وريف
وريف: هاه نطلع
زياد: وريف وش سيارة صديقتك؟
وريف ضحكت تذكرت يوم فجر ساقتها: همر
زياد يتلفت حوله : الهمر البحري؟؟؟
وريف : ايه بالضبط
زياد كان قريب من السياره وشاف اللوحه: احلىىىىىىىىىى
وريف: وشهو
زياد: اللوحه هـ م ر 777
وريف: ههههههههههههه تميز يابوي
زياد فتح السياره وقبل يركب شاف محل السواق شنطة بنت وخر الشنطه وركبها وحرك .. وصل لبيت ام سلمان اتصل على زياد:هلا شدون اطلعو يالله
شادن: زين اللحين نطلع
ام سلمان: اسمحولي غربلتكم معي بآخر هالليوله
شادن: لا اشدعوه ياخالتي اهم شي سلامة سلمان
فجر قربت من وريف: اسمحيلي ياقلبي تعبناك
وريف ابتسمت: تعبك راحه يالله سلام
وسلمو على بعض وطلعو لـزياد
وريف بعد ماركبت ورا: اسمحلنا يا زياد روعناك
زياد: اشدعوه انتو خواتي .. وهم مساكين ماعندهم احد
وريف : ههههههههههههههههههههههههههههههههههههههه
شادن عرفت تفكير وريف: ههههههههههههههههههههه
زياد: خير؟؟ قلت شي غلط؟؟
وريف: لالا سلامتك بس تتوقع من ودانا المستشفى؟
زياد: من؟
وريف: فجر
زياد: لا للحين ما أذن الفجر
وريف: هههههههههههههههههههههههههههههههههههههاااي حلوه
زياد: وشو
وريف للحين تضحك ...قالت شادن: فجر البنت اللي معها المفاتيح
زياد: اها اسمها فجـ وشهوووووووو هي اللي جابتكم؟؟
وريف: أيــــــــه هههههههه ركبت السياره وشغلتها ويالله لحقناها
زياد:مهبوله هي ....؟؟ ليش تسوق اشوى اللي ماصار لكم شي
شادن: لا سواقتها ممتازه بس كانت مسرعه
وريف: تلومونها ؟؟؟ هذا ابوهم اللي مربيهم تخيلي كان يشتغل ويدرس من الابتدائي عشان يصرف عليهم .. تخيلي انه بالليله الوحده يقوم مره او مرتين يتطمن عليهم
شادن ابتسامتها من تحت الغطا توصف حالها .. ماشاء الله عليه والله رجال
زياد: ماشاء الله عليها والله انها كفو ما اهتمت بكلام الناس ولحقت اخوها.. شوفي بكره اكيد راحه من المدرب انا بوديهم المستشفى بس وحده منكم تكون معي لزوم المحرم
وريف: انا بروح يكفي تعبنا شادن معنا ..
شادن نفسها تروح بس بأي صفه!!!
زياد: خلاص اللحين تنامين والساعه 9 تقومين نوديهم مايصير ياخذون تكاسي وهم بس بنات
رجعو البنات للبيت ووريف كانت بنص الصاله اتصلت لفجر تخبرها انهم بيمرونهم الساعه 9 موعد الزياره
فجر: والله اني متفشله منكم
وريف: اشدعوه لو احنا كان سويتو معنا اكثر من ((وفجأه سكتت))
وماسمعت فجر الا صوت صفعه وبعدها انقفل الجوال
وريف ماسكه خدها وتناظر بزوجة خالها : وش تبين اللحين
ام زياد: وربي ان ما اعتدلتي يالصايعه يالحقيره لأطردك للشارع اللي لميتكم منه
وريف : ماني صايعه انا كنت مع زياد
ام زياد: وتقولينها بعد ياقليلة الادب ((ومسكتها مع شعرها)) خربتي ولدي يالخربانه
وريف: ولدك ياهانم اخوي بالرضاعه اذا ماتدرين
ام زياد تنحت باللي تسمعه..وريف استغلت سكوتها وكملت: ولا وين تدرين وانتي يامسافره ياطالعه
ام زياد كان ردها بتفله((وانتو بكرامه)) على وجه وريف اللي طلعت راحت تركض لغرفتها .. والله اني استحملت عشانك يمه .. والله اني صبرت عشان لا أكدرك يايمه .. متى نطلع من هنا ونفتك آآآآآآآآآه ياقلبي..
فتحت الوورد وكتبت..
((لصوت الأنين مكانا مميزا في أذني ..
لمنظر الدم النازف ..روعة في عيني ..

...حاولت تكتب بس اصابيعها ما طاعت .. اففففففف قفلت الصفحه بعصبيه ولا حفظت الكلام وشبكت الماسنجر

عبد العزيز فاتح الماسنجر له يوم وعليها ماشافها .. كان فاتح الماسنجر وقاعد عالكنبه يذاكر ..وفجـأه سمع صوت تنبيه دخول احد ناظر لقاها حاطه نكها ((تــــــــــــــــــــــــــعــــــــــــــــــبـ ــ ـــــــــــــــــــــــــــــــــــت))
هو كان نكه ((يارب وفقني بدراستي ورجعني ديرتي بالسلامه))
يارب وفقني بدراستي ورجعني ديرتي بالسلامه:
سلام
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
هلا
يارب وفقني بدراستي ورجعني ديرتي بالسلامه:
عسى ماشر وش فيك خواطر؟
تــــــــــــــــــــــــــعــــــــــــــــــبـــ ـــــــــــــــــــــــــــــــــــت :
والله تعباااااااااانه والله تعباااااااانه
((عبد العزيز إعتدل في جلسته .. عسى ماشر؟؟؟))
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
كله منها الحقيره مرة خالي انا صار لي اربع سنين اتعذب واشوف الذل والهوان بس ساكته مو لأني خايفه .. بس عشان امي ساكته ما ابيها تحس إني متعذبه.
يارب وفقني بدراستي ورجعني ديرتي بالسلامه:
يعني مرة خالك ساكنه معكم؟
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
لا حنا ساكنين معها من يوم تطلقت ابوي توفي بجلطه دماغيه وامي من فقد ابوي ومصيبة طلاقي انشلت وطردنا صاحب العماره وسكنا عند خالي عن الشوارع
يارب وفقني بدراستي ورجعني ديرتي بالسلامه:
وخالك ساكت على اللي تسويه زوجته؟؟
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
لا مايدري عن هاللي يصير .. قدامه تصير طيبه حسبي الله عليها حسبي الله عليها يااااااااااااارب انتقم منها يارب
يارب وفقني بدراستي ورجعني ديرتي بالسلامه:
ماعندك أخوان؟؟
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
لا انا وحيدة امي وأبوي .. ابوي راح من اربع سنين وامي اللي باقيه لي
((عبد العزيز مو مصدق انه يكلم خواطر))
يارب وفقني بدراستي ورجعني ديرتي بالسلامه:
طيب وماتزوجتي؟
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
اصلا من يبي وحده تطلقت بليلة عرسها ؟؟ من يبيها قوليلي؟؟؟
يارب وفقني بدراستي ورجعني ديرتي بالسلامه:
بليلة عرسك؟؟؟؟؟؟؟؟؟
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
لا تظنين فيني الشينه .. والله حتى زوجي كان يموت علي بس بليلة العرس كرهني تخيلي دخلنا الشقه مبسوطين أول ماقفلنا الباب طاح فيني ضرب بالعقال وكان يصارخ بشكل هستيري .. وطلقني وهو والله مالمسنى والناس طلعو علي اشاعات
يارب وفقني بدراستي ورجعني ديرتي بالسلامه:
حسبي الله على الناس .. يمكن عين ولا شي؟؟
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
ما ادري ..
يارب وفقني بدراستي ورجعني ديرتي بالسلامه:
وانتي ما تزوجتي بعده
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
ما اكذب عليك جوني خطاب كثير بس ما اقدر اوافق .. خلاص ما ابي اتزوج
يارب وفقني بدراستي ورجعني ديرتي بالسلامه:
وهو؟؟؟
تــــــــــــــــــــــــــعــــــــــــــــــبـــ ـــــــــــــــــــــــــــــــــــت :
وهو .. هو للحين ماتزوج على ماسمعت
يارب وفقني بدراستي ورجعني ديرتي بالسلامه:
يعني يحبك....أكيد يحبك
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
ما ادري .. بس صارت قطاعه بيننا كبيره اهلي واهله
يارب وفقني بدراستي ورجعني ديرتي بالسلامه:
تحبينه؟؟
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
ودي أقول لا ..
يارب وفقني بدراستي ورجعني ديرتي بالسلامه:
اصلا باين في كتاباتك انك مجروحه جرح كبير من أحد تحبينه حيل

وريف ما استحملت اللي تقرا غطت يدينها ودخلت بدوامة بكاء كبيره ...
عبد العزيز كان يتكلم ولا ترد عليه .. ياربي اش فيها؟؟ ارسل لها شارة تنبيه
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
هلا أسيرة اسمحيلي بس بطلع
يارب وفقني بدراستي ورجعني ديرتي بالسلامه:
اوكي ربي يحفظك .. وربي اللي خلقني ان سرك ماراح يطلع .. واللي لايوفقني بدراستي انه ماراح احد يدري
((وريف حست انها صادقه))
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
انا ما ادري اصلا ليش عورت راسك بهالسوالف .. واتمنى من جد محد يدري
يارب وفقني بدراستي ورجعني ديرتي بالسلامه:
الوحده اذا ماطلعت اللي بداخلها بتنفجر .. يالله ما اطول عليك وكوني متأكده ان ربي ماراح يخيب صبرك
تــــــــــــــــــــــــــعــــــــــــــــــبـــ ـــــــــــــــــــــــــــــــــــت:
ان شاء الله وابيك يالغاليه تدعين لوحده من صديقاتي في مشكله يالله مع السلامه

طلعت وريف من الماسنجر.. سبحان الله اشكثر ارتحت يوم كلمت اسيره كلامها بلسم سبحان الله .. فعلا هالانسانه طيبه .. الحمد لله اني اضفتها
حطت جوالها تنبيه الساعه 9 وغطت نفسها ونامت

عبد العزيز قفل الماسنجر وهو ماسك راسه وشلون يصير في انسانه كذا .. طلاقها بليلة عرسها .. وفاة ابوها .. سكنهم عندوحش مو انسانه .. يااااااااااااالله وفوق هذا التجريح بالمنتدى .. وانا جاي بعد ابطيح راسها .. اقسم بالله اني حقير .. حقير .. حسبي الله عليك يا ابليس
فيصل بهالوقت داخل من برا
فيصل : هههههههههههه عزوز هيثم برا يقول ممكن يدخل
عبد العزيز وجهه مخطوف: فيصل .. خواطر مسكينه
فيصل : عزوز اش فيك؟
عبد العزيز : دخلت الماسنجر وهي شكلها مالقت احد

تفضفض له وقالت لي قصة حياتها والله ولا اقوى رجال يستحمل
فبصل : اشدعوه
عبد العزيز : والله ما أبالغ
فيصل: وش صار لها؟؟
عبد العزيز : أنا حلفت لها ما أقول لاحد
فيصل : الا هي تدري إنك رجال؟؟
عبد العزيز : لاااااااااااا وهذا اللي ذابحني
فيصل سكت ماعنده شي يقوله
عبد العزيز : انا حيوان شلون بغيت العب بالبنت وربي مسكينه والله العظيم مسكينه .. لازم اقولها ..
فيصل: انت مالك ذنب .. ولا كنت بتضرها
عبد العزيز سند راسه عالكنبه ولا رد بكلمه وحده ..



الساعه 9 قامت وريف من النوم متخرعه على اتصالات فجر ..
وريف: هلا فجر
فجر: اسمحيلي بس امي قلقانه على سلمان
وريف: لالالا عادي بس اصحي زياد ونجيكم

قامت وريف ميته نوم تسحبت من غرفتها راحت لغرفة زياد اللي رجع لها من يوم صارت وريف اخته وفتحت الباب
زياد: ميــــــــــــــــــــــــــــــــــــن<<<نومه خفيف
وريف: اشوى انك صحيت قوم يالله ودنا المستشفى
زياد: عسى ماشر من تعبان
وريف: يوووه شكلك مضيع ياخوي بنودي اهل سلمان لولدهم
زياد: تعبان والله
وريف جازفت وفتحت الانوار .. زياد عصب وقام بيمسكها وانحاشت
بعد ما انحاشت دخل ياخذ له دش يصحصح فيه طلع لقى وريف لابسه عباتها وواقفه برا الغرفه
زياد كان شعره للحين مبلول وبلوزته كت مبينه عضلاته وجنز لبس نظارته العريضه على وجهه: يالله مشينا
ركبو السياره وتحركو على بيت ام سلمان وضرب بوري((هرن)) وطلعو له بسرعه وركبو ورا
ام سلمان: سامحني ياولدي بس ماعندي احد يوديني ويجيبني
زياد صوته نوم: لا ياخاله بس الحمد لله على سلامتك
وريف: فجر دهنتي رجولها بزيت زيتون؟؟
فجر: ايه .. والحمد لله جاب نتيجه
جوري قربت من فجر وهمست: اخوها يجنن
فجر كتمت ضحكتها : ايه ماشاء الله بس اوص لا يسمعنا

وصلو المستشفى وراح زياد يفطر بالكافتريا ينتظرهم ..
دخلو كلهم ماعدا وريف
وريف: انا بنتظركم برا
ام سلمان: مايصير يابنتي تقعدين بالأسياب كان قعدتي مع اخوك طيب
وريف: ماجاء في بالي
فجر: سلمان مثل اخوك امشي يالله
دخلت وريف ترجف
سلمان كان متسند على مخده والمغذي بيده : هلا هلا ببناتي
جوري راحت تركض وبكت على صدره : ليش تخوفنا عليك
ام سلمان توها وصلت عنده باسته على راسه: يمه حمد لله على سلامتك
فجر كانت تحاول ماتبين دموعها ابتسمت وقالت من بعيد: حمد الله على السلامه يافندم
سلمان وابتسامته التعبانه: ماودك تسلمين
فجر ما استحملت حضنته وبكت من قلبها .. ووريف لمحت دمعة سلمان
سلمان انتبه لوريف: من هذي؟
فجر: هذي صديقتي
ام سلمان: هي وأخوها ما قصرو جابوك هنا وسهرو معنا لين طلعت من العمليات ورجعونا البيت واللحين جايبينا نزورك
سلمان وابتسامة شكر : ماتقصرون .. مشكورين
وريف صوتها يرتجف: لا شكر على واجب
سلمان ضحك بنفسه .. مسكينه تستحي: طيب وينه اخوك لازم اشوفه
وريف: فجر تعالي
راحت فجر عند وريف: نعم
وريف: امشي انادي زياد مانيب رايحه بلحالي
فجر: طيب
طلعو البنات من الغرفه وجوري تقرق على راس سلمان

وريف زهمت على زياد وطلع لهم وهو يضحك
وريف: خير عساها دوم البسمه
زياد: هنا بعض المعجبين ههههههههه ضحكوني واحد يسوي نفسه مغمى عليه من الفرحه هههههههههههههههههههه
وريف: اهاا طيب وخر شوي على ورا معنا غريبه
زياد: اؤؤؤ اسف على بالي شادن
وريف: ههههههههههه يالله بس امشي الرجال يبي يسلم عليك ويشكرك
زياد: يالله اتحمد له بالسلامه ونروح

راحو واول ما دخل على سلمان ضحكو الاثنين وسط ذهول الباقين
سلمان: يالله حيه
زياد: الله يحييك
سلمان: فجر يبه صبي للرجال قهوه
فجر تفشلــــــــــــــــــــــــــت .. وش ذا
زياد حس بإحراج فجر : لا والله ما ابي الا سلامتك
فجر كان ودها تحب راسه على هالإنقاذ
سلمان: هههههههههه يعني تردها لي الحركه
زياد: هههه يمكن ... يالله وريف بنمشي

وطلعو زياد ووريف محركين عالبيت

سلطان جار ابو زياد كان طالع من الدوام الساعه 2 .. اليوم بيبدأ اول يوم بالبرنامج الصحي اللي بيسويه ..آآآه ان شاء الله ألتزم فيه ويصير بعد 4 شهور وزني تمام وأتزوجك يا وريف بالصيف .. يااااارب حقق لي مناتي بقربي منها يااارب

وريف كانت بغرفتها الساعه 4 العصر .. ياربي انا وشلون قلت للبنت الكلام اللي أمس؟؟؟ والله اني مجنونه شلون فرطت السالفه كلها .. بس لولا الله ثم كلامها كان اللحين انا صاير لي شي يا منتحره .. ولا ميته بحسرتي ..
وريف ماتدري ليش حست ان ودها تفتح الماسنجر

فتحته وماكانت اسيرة الذكريات اون لاين .. قامت ارسلت لها ايميل
((سلام اسيرة شخبارك؟؟ بغيت اقولك شي انا ابنزل خاطره مهمه ابي رايك فيها .. واهداء مني لك على وقفتك معاي امس .. كلامك كان بلسم والله على قلبي مشكوره))

وحولت حالتها لمشغول وفتحت المنتدى وسجلت دخول خواطر مكسوره وفتحت صفحة موضوع جديد بقسم الخواطر والنثر
((مساء صافي كصفاء الذي تحملونه بين أضلعكم..
مساء الروعه كتلك التي تحتفظون بها في دواخلكم..
مساء مفعم بالبياض كلون البدر في منتصف الشهر..
مساء يعزف به قلبي أنشودة الحزن..
اليوم .. أتيت هنا .. كمصافحة لذكرى اربعة سنين مضت عرفتكم من خلالها .. أتيت هنا .. وفاء لجرح أظهرني للبشريه ..أتيت هنا .. أمام الملايين أشهد بأن القلب لازال ينزف وسيبقى نازفا مادام ذلك الجرح لم يطيب..
اليوم 15/7/1424هـ ذكرى أول حرف خططته هنا .. وأول دمعة ذرفتها أمام الملايين .. لست هنا اليوم لأنظم الشعر .. ولست هنا لأسطر الأسى .. ولست هنا لأُدمي قلوبكم.. انا هنا لأقف دقيقة حداد على نبرة حزينة سكنتني .. لأقف دقيقة حداد على أشياء فقدتها ولم يعد بإستطاعتي إستعادتها.. انا هنا لأنحني لشعرة قصمت ظهري .. انا هنا لأُفصح عن سكاكين إستغلت سقوطي وعرفت طريقها الى متني الذي لم يعد قادرا على التحمل..أنا هنا لأقول شكرا..
شكرا لتلك الظروف التي أنهكت روحي وجسدي.. شكرا لظروف قتلتني قبل موتي أربعون مره.. شكرا لقلوب قست على قلبي .. شكرا لإبتسامة تهزأت بدمعي.. شكرا لمن إنتقدني .. شكرا لمن أحبني .. شكرا لجرح وهبني الكثير والكثير من حب الناس .. شكرا لمن قرأني..
شكرا لأختي أسيرة الذكريات والتي رغم معرفتي القليله بها إلا انها كانت نعم الاخت ..
شكرا لقلمي الذي كان نعم الصديق لي طيلة الاربع سنوات ..
كنت بصدد إعلان ما أرغب به ولكن .. قررت تأجيله لأنتهي حيثما بدأت ..
بدأت عام 15/7/1420.. وقررت الانتهاء 15/7/1424
ليس لي مكان هنا بعد اليوم .. سألملم شتاتي .. وأرتب أوراقي وأرحل بعيدا ..
لكم كل الحب ..
اختكمـ خواطر مكسوره))

حطت العنوان وإعتمدت الموضوع وطلعت من المنتدى .. خلاص انا ما اقدر استحمل هالمصايب اللي تصير بالمنتدى ابريح راسي من النت بكبره انسحب وأحتفظ بخواطري أحسن لي ..
عبد العزيز اللي دخل الماسنجر بس كان حالته اوف لاين نوى يكلم وريف بس شيك عالايميل شاف ايميل منها قراه وإستانس وطار عالمنتدى كان مسجل دخول بإسم كبرياء الجرح عشان يقرا هالخاطره .. قراها وكانت الصدمه .. ليش بتنسحب من المنتدى؟؟؟ لالا هذي بتنسحب من النت بكبره .. قرا الردود الي وصلت صفحتين وكلها يطلبون منها الرجوع عن هالقرار .. قرا رد لمشرف الخواطر والنثر اللي دايم كان يتهاوش مع خواطر مكسوره يقول فيه:
((أحسدك على ذكائك .. عندما أعلنت قريحتك الإفلاس إنسحبتي كي تحافظي على جمهورك ..أقدر فيك هذا الحب للجمهور.. واقدر فيك رقيك بالإنسحاب ..وإسمحيلي أختي أنقل الموضوع لقسم الترحيب .. بعد إذنك طبعا بما أنه آخر موضوع لك))
عبد العزيز ركبت راسه مليون جنيه.. هذا فرحان إنها بتنسحب لا ويتتريق يقول اعلنت قريحتك .. وبدون شعور حط رد وكتب..
((اخي الغبي جدا بإنتقاء مفرداته ..اتمنى عدم حذف أي حرف من ردي كـ مثال عن احترام الراي الآخر الذي دوما ماتنادي به..
لأن خواطر مكسوره باتت أكبر ممن حولها .. قررت الإنسحاب .. لان خواطر مكسوره لاتجد فيمن حولها من يحفزها على العطاء قررت الإنسحاب.. لأن خواطر مكسوره آثرت الإنسحاب والهدوء على المهاترات التي لا تصدر من عاقل !! قررت الإنسحاب ..
كل هذه الاسباب قد تكون كافيه للرد على تساؤلك السقيم عن أسباب إنسحابها ..
تحياتي .. كبرياء الجرح))

مر اسبوع عليهم اليوم هو موعد زيارة ام سلمان لأم وريف.. واختارته وريف لأن ام زياد اليوم بتطلع يعني ماراح يكون أي موقف محرج لامها ان شاء الله
فجر:طيب وشادن بتروح مع امها؟؟
وريف: ما ادري عنها
فجر: تدرين شلون.. اتصلي لها قولي لها اني أبجي تتذكرين موقفها معك ايام السوق كانت طيبه
وريف: والله صادقه
راحت وريف طقت على شادن الباب ..إفتحت لها شادن : نعم
و ريف: بغيت أقولك ان فجر وأهلها بعد شوي بيجون يزورونا .. اذا فاضيه تعالي اقعدي معنا
شادن: طيب ان شاء الله


راحت وريف وقفلت شادن الباب .. كان عندها رغبه انها تشوف أهل فجر ليش؟؟ ماتدري
لبست وكشخت وسوت شعرها وطلعت ..
وريف إنبهرت بشكل شادن وبدون ماتنتبه لنفسها : شدووووووون تجننين
شادن اللي تعودت على رسميتها مع بنت عمتها : شكرا
وريف صحت من الكلمه: انا بروح المطبخ
وريف كانت لابسه بنجابي بيج واورنجي وفارقه شعرها الناعم وحاطه على نص جبهتها سلسه وراسمه عيونها ..
اما شادن كانت لابسه تنوره لين الركبه بيضا وبلوزه حمرا وملفلفه شعرها المتدرج على برا ومكياجها احمر يتناسب مع لون بشرتها الفاتح
’,
’,
سلطان اللي نزل بيروح لأصحابه لقى امه ودانه أخته جالسين
سلطان: مساء الخيرات
دانه بإبتسامه : هلا والله
ام سلطان: هلا يمه بتطلع؟
سلطان:ايه ابطلع تامريني بشي؟
ام سلطان: الله يوفقك
سلطان: الا يمه وريف ماردت عليكم؟؟
دانه: ههههههههه اثقل يابوي
ام سلطان: لا والله ماردت
سلطان: يمه طلبتك اتصلي عليهم إسألي لهم اكثر من اسبوع
ام سلطان : زين هات التلفون
اتصلت وردت عليها ام وريف
ام وريف: الو
ام سلطان: هلا ام وريف شلونك ياوخيتي؟
ام وريف عرفت راعية الصوت وتضايقت : هـ هـلا هلا ام سلطان
ام سلطان: وشلون القمر وريف ؟؟
هنا سلطان ابتسم ابتسامه واسعه
ام وريف: والله الحمد لله بخير
ام سلطان: الا علامكم طولتو علينا بالرد؟
ام وريف : والله يام سلطان ان ولدك ماينعاب والبنت مالها خاطر بالعرس
ام سلطان ناظرت بولدها اللي على اعصابه واقف على راسها
ام سلطان: زين يصير خير مع السلامه
ام وريف: مع السلامه


سلطان اللي خاف يوم شاف امه مو على بعضها : يمه بشري؟؟
ام سلطان : وجع يوجعها تحمد ربها احد خطبها تقول مالها خاطر بالعرس
سلطان إنصدم من رفض وريف له كان ساكت
دانه: يمه الله يهداك علامك عالبنت كل شي قسمه ونصيب
ام سلطان : ولدي ماينعاب وما اكون ام سلطان ان مازوجته شيخة البنات
سلطان: بـــــــــــــس يمه .. انا غير وريف ماني متزوج
طلع من عندهم ودخل غرفته وقفل عليه .. ليش هي ماتبيني... رجال واصلي الحمد لله وموظف وراتبي زين وسمعتي حلوه الحمد لله .. وشكلي مقبول وناظر بالمرايه اللي كانت قدامه..طالع بجسمه اللي كان مليان شوي .. معقول؟؟ معقول رفضتني عشاني متين؟؟؟؟ اوعدك يا وريف كلها كم شهر وتشوفين سلطان اللي تبين



رن الجرس وراحت وريف تركض تفتح الباب
وشافت حرمه كبيره وجنبها فجر ابتسمت لهم ودخلتهم وسلمت عليهم وشافت جوري وراهم
وريف: انتي اكيد جوري
جوري: صح ههههههه
وريف: اسم على مسمى ربي يحفظك
جوري طارت من الوناسه .. ودخلتهم وريف على أمها اللي كانت بالصاله الداخليه
نزلت شادن من الدرج اللي كان مقابل للصاله .. فجر ماصدقت اللي تشوفه .. شادن تبتسم معقول؟؟؟ لا وكاشخه ونازله تسلم علينا ..
سلمت عليهم شادن وقعدت معاهم




فيصل: يلعن يوووووووووووومك اش هذا
عبد العزيز : ههههههه وش فيك؟
فيصل : ولا أرق بنت تكتب هالكلام
عبد العزيز: والله ياخوك فتحت الوورد وتخيلت نفسي بنت وبديت اكتب
فيصل: بس جد انت فظيع.. عمري ماتخيلتك تقدر تكتب
عبد العزيز : تصدق ولا انا ... اول ما كتبت هالكلام ضحكت على نفسي بس بعد مامدحتني خواطر .. قريته حسيته شي حلو


كان الكل مشغول بالسوالف قامت شادن تصب لأم سلمان الشاهي وريف في حالة ذهول شديده من بنت خالها ..
فجر: وريف
وريف: هاه
فجر: وش فيها شادن اليوم ماهي طبيعيه
وريف: علمي علمك..
دق جوال فجر : هلا سلمان
شادن ابتسمت ولاحظت وريف هالإبتسامه ..
فجر: انت عند الباب؟؟ زين اللحين بنطلع لك.


سلمان كان ينتظر اهله بهالوقت وصل زيادالسياره شكلها غريب .. قرب من شباك السياره وقال: سلام عليكم
سلمان: هلا وعليكم السلام
زياد: تبي شي ياخوي؟؟
سلمان: لا والله بس أنتظر أهلي هنا
زياد: افاا وواقف عند الباب؟؟ حياك تفضل
سلمان: اسمحلي مستعجل
زياد: لا والله انزل البيت بيتك
بهاللحظه طلعو البنات وامهم من البيت
جوري (((كاشفه وجهها )): من اللي مع سلمان
فجر: اتوقع ولد خال وريف زياد





سلمان: هذولا الاهل طلعو



زياد: اجل المره الثانيه مافيه فكه


سلمان ابتسم : ان شاء الله مع السلامه




ركبت ام سلمان قدام والبنات ورا


سلمان: هاه انبسطتو؟؟


جوري: اخيررررررررررررا شفت وريف تجنن


فجر قرصت جوري: عيب


جوري: وش اللي عيب ؟؟ والله من جد البنت تجنن


فجر: طيب عيب تمدحينها عند أخوك


سلمان: هههههههههه يمه انبسطتي؟


ام سلمان: ياحليلها امها والله العظيم تنحط عالجرح يبرى


سلمان: اهم شي انبسطتي


ام سلمان: ايو والله الحمد لله


فجر: قلت لك يمه بتتونسين





داخل البيت ..


وريف: هاه يمه وش رايك فيهم؟؟


ام وريف: ماشاء الله عليهم اول ماشفت ام رفيقتك قلت ياربيه هذي متكبره وشايفه نفسها بس طلع العكس


وريف: وفجر اش رايك فيها؟؟


ام وريف تضحك : هههههه لو عندي ولد خطبتها له


وريف: هههههههههههههههههههههههههه


زيادعند الباب : احم احم ياولد


وريف قامت بتطلع غرفتها : اصبر يازياد ابطلع فوق وانت ادخل


ام وريف: تراكم اخوان ماله داعي تتغطون.... ادخل ياولدي طلعت وريف


زياداللي توه راجع من التمرين : ههههههههههه ايه اخوان بس مايجوز تكشف عندي شخبارك عمتي؟؟


ام وريف : الا يجوز انا مرضعتكم مع بعض


زياد: هاااه؟؟ مرضعتنا مع بعض؟؟


ام وريف : ايه يوم كنت صغير ياولدي صارت مشكله بين امك وابوك طلقها لمدة سنه وانا اللي رضعتك ذيك الفتره


زياد: ورا ماقلتو لنا ؟؟؟؟ ليش ساكتين؟؟


ام وريف: وليش نقول؟؟


زياداللي انفعل : الله واكبر تحرموني من اختي طول هالسنين وتقولون ليش؟ وبعدين افرضو لو تزوجتها ؟؟؟ بكره يطلعون عيالي هم عيال اختي .. ترى هالأمور مالازم ينسكت عنها


ام وريف: انا وابوك موجودين وعارفين انكم اخوان


زياد: ما احد يضمن عمره ياعمه


ام وريف :عاد هذاني قلت لك


زياد: هههههههههههه والله نكته ..إصبري ابتصل عالوالد




زياد: الو سلام يبه..


ابو زياد: هلا ياولدي هاه شخبارك؟؟ شخبار اصابتك؟


زياد: لا لا اللحين الحمد لله وان شاء الله المباراه الجايه ابلعب مع الفريق


ابو زياد: الحمد لله أجل


زياد: اقول يبه


ابو زياد: سم


زياد: اقول صدق وريف اختي من الرضاعه؟؟


ابو زيادسكت وبعد تفكير : ايه ايه عمتك رضعتك سنه كامله


زياد: يبه وليش ماقلتو لنا؟؟


ابو زياد: هذاك عرفت اللحين


زياد: طيب يبه ابسلم على اختي


ابو زياد: عندك عمتك استسمح منها


زياد: يبه هذي اختي وشلون استسمح منكم


ابو زياد: اوووه تراي مشغول وانت اشغلتني


زياد: زين زين مع السلامه




زيادالتفت على عمته : عمه ناديها لازم اشوفها


ام وريف: صاحي انت


زياد: ايه صاحي الحمد لله


ام وريف : ياولدي وشلون


زياد بدا يعصب: ياعمه احرمتوني من اختي بعمري اللي راح واللحين بتحرموني منها بقية عمري؟؟


ام وريف: ياولدي اللي يسمعك يقول ماعندك خوات .. هذي هي شادن ماشاء الله


قاطعها زياد: شادن تسمينها اخت؟؟ شادن اصلا مااحس انها كائن حي .. حتى يوم انصبت وسويت عملية الرباط الصليبي بركبتي ماكلفت على عمرها غير بكلمة سلامات .. ووريف اللي بنت عمتي كانت هي اللي تطبخ لي وتحط لي ..




شادن اللي كانت توها مبدله ملابسها وبتنزل تجلس مع وريف وعمتها سمعت اخر كلام .. معقول يازياد هذي فكرتك عني.. هذي فكرة الناس .. انا ماتحس اني كائن حي .. طلعت غرفتها وقفلت على نفسها ..




زياد: يالله ياعمه ابسلم على اختي


ام وريف : ههههههههه زين بس اصبر نقول لها


زياد: عطيني رقمها انا اكلمها


ام وريف: لاتحرجها ياوليدي..


زياد: ههههههههههه شدعوه خطيبها مو اخوها ههههههههههه




طلع زياد لغرفة شادن اللي كانت في حاله غريبه .. ليش انا مكتأبه.؟؟ مو هذا اللي انا سويته بنفسي .. مو هذا اللي قالت لي امي اسويه ..إبتعدت عن الناس لأنهم مايناسبوني ولا يناسبون طبقتي الاجتماعيه .. صديت وريف لأنها مطلقه وينخاف من صحبتها .. بس هالمطلقه طلعت افضل مني الف مره ...


قطع عليها افكارها طق الباب


شادن بعد ماتنحنحت عشان لايبان صوتها متغير : مين؟؟


زياد: انا ياشادن إفتحي لي


شادن حاولت ترسم على وجهها إبتسامه وفتحت الباب : اهليييييييييييين


زياد انسطل مو متوقع من شادن الا الرسميه وشلون صارت كذا : هلا بك .. دريتي بآخر الاخبار؟؟؟


شادن اللي حست بإستغراب اخوها : تعال أدخل وسولف على كيفك


زياد: ادخل!!!


شادن: ايه حياك


وفتحت شادن الباب لآخره ودخلت جلست على كرسي الكمبيوتر .. فيصل دخل وصار يناظر بالغرفه يووووه من كم سنه مادخلتها دخل وجلس عالكنبه اللي جنب السرير


شادن تحط يدها على خدها : وش هي آخر الأخبار؟؟


زياد اللي منذهل من تغير أخته : انا ووريف


شادن اللي ماسمعت من حوار زياد مع عمتها الا اخره وماتدري انهم صارو اخوان قالت بوناسه : انخطبتو ؟؟؟


زياد ضحك بأعلى صوته: هههههههههههههههههههههههههههههههههههههههههههههههههه ه وش انخطبنا الله يرضى عليك؟؟؟ وريف اختي


شادن رجع وجهها الرسمي : وشلون


زياد تكلم بهدوء : يقولون اني رضعت من عمتي واحنا صغار


شادن بنفس الرسميه : ليش وامي وين؟؟


زياد اللي متردد يقول لشادن : امممممم


شادن فهمت اخوها وقالت بإبتسامه : تطمن ماراح اقول لأمي


زياد ضحك : هههههههههه عشان صارت مشكله بين امي وبين ابوي وطلقها سنه


شادن : اهااا عشان كذا ماتواطن عمتي


زياد بإستغراب : من اللي ماتواطن عمتي؟


شادن: هاا.. لا ولا شي


زياد: انا جيت ابي رقم وريف ابي اقولها تنزل


شادن : انا اروح اكلمها اللحين اخليها تجي





طلعت شادن من غرفتها وهي مستانسه انها قدرت تغير شوي من طبيعة علاقتهم هي وزياد وصار يسولف معها مثل زمان قبل تتغير عليه.. وصلت باب وريف طقت الباب


وريف اللي حاطه سماعات المايك ومشغله اغنيه مادرت عن الباب ولا سمعته .. حاولت شادن تكسر طابع الرسميه اللي بينهم وتفتح الباب بس قالت يمكن تلبس ولا شي .. لا اذا بتلبس اكيد بتقفل الباب .. خلوني افتحه ووريف طيبه ماراح تزعل لو ما اعجبها التصرف .. سمت بالله وفتحت الباب


كانت وريف جالسه عالسرير وظهرها للباب يعني ما انتهت للباب انه انفتح ورقبتها تروح يمين ويسار مع الاغنيه .. ضحكت شادن على شكلها وقربت منها وطقتها مع ظهرها .. وريف من الخرعه : واااااااااااااااااااااااااااااااااااااااااااااااا. . يمه شادن خرعتيني


شادن تغير وجهها .. حقدت على نفسها يوم سوت هالحركه


وريف حست بإحراج شادن : هههههههههههههههههه بس حلو المقلب مردوده هالحركه


ابتسمت شادن بإرتياح ... وقالت لها سالفة هالرضاعه


وريف: وشهووووووووووووووو لالالالا مستحيل انزل اسلم عليه


شادن: ليش؟


وريف: استحي


شادن: تدرين لحظه اتصل عليه




زياد: هلا شدون


شادن: شادن ماتبي تنزل


زياد: عطيني اياها


شادن : طيب((وتكلم وريف)) هاك خوذيه


وريف: هلا زياد


زياد: يالله بس انزلي .. ودي اغير عن شادن شوي هههههههههههههه


وريف: ههههههههههههههههههههههههههه


زياد: ان مانزلتي ترى ابطلع أشدك من شعرك .. ولا نسيتي اني اخوك الكبير


وريف: يعني تستخدم صلاحياتك؟؟


زياد: بالضبط ههههههههههههههههه




نزلت وريف مع شادن وهي حاسه بإرتباك .. وشلون تقعد مع رجال غريب عنها..ياربييييييه فشله.. اول مادخلت عندهم زياد مقرر انه ياخذ الامور بمزح عشان لا تتفشل وريف


زياد: هلا وريف


وقام يسلم عليها .. كانت تتنافض المسكينه .. ياحرام ..اول ماقعدت


وريف: شلونك يازياد


زياد: بخير يالله قومي سوي شاهي


وريف: هااه؟


زياد: ههههههههههههههههه امزح بس ابختبرك انتي اخت اصليه ولا تايون


الكل: ههههههههههههههههههههههههههههههههههه





عبد العزيز كان فاتح الكتاب قدامه والقلم بيده وعيونه طايره قدامه


فيصل : لا ياشيخ


عبد العزيز : هاه هلا؟


فيصل: يعني قاعد تذاكر اللحين؟


عبد العزيز : وش بك؟


فيصل: لكتاب عالطاوله ولا بالجدار


عبد العزيز : هههههههههههههههههههه بروح اغير جو بالنت وارجع اذاكر


فيصل اللي حاس ان عبد العزيز متغير هالايام كله سرحان ويفكر .. تعلق بالنت اكثر من قبل .. ياربيه معقول مل من الدراسه .. هذي آخر سنه له .. ما اكون فيصل ان ماخليتك ترجع بإمتياز


فيصل: عزوز .. نص ساعه وترجع تذاكر


عبد العزيز: ترى ماني بزر انا


فيصل : بس انا بزر وابتصل على سلمان اقوله


عبد العزيز: لالا خلاص نص ساعه واذاكر


فيصل : ههههههههههههههههه




عبد العزيز


فتح ايميله وكان إحساسه صح خواطر اون لاين .. خواطر الاسبوعين الاخيره تعود يكلمها كل يوم .. ياربي ادري انه غلط.. وادري انه حرام اضحك عالبنت بس شسوي شي غصب مو بكيفي


عبد العزيز كان نكه ((خلي المستور خافي .. واكثر العالم تخافه))



اما وريف كان نكها ((احبــ ولا يجي في بالك أحد غيرك يضيف الكاف))


خلي المستور خافي .. واكثر العالم تخافه:


هاااي





وجاته الرساله التلقائيه اللي حاطتها وريف..


((انا اللحين تحت مو موجوده يمكن أتأخر اللي تبيني ضروري تتصل على جوالي .. وريف))


عبد العزيز صرخ : فييييييييييييييييييييييييييييييييييييييييصل


فيصل: وش فيك.؟؟ علامك تصارخ


عبد العزيز بفرحه : عرفت إسمها


فيصل : منهي؟


عبد العزيز: خواطر


فيصل : قل قسم؟؟


عبد العزيز : وقسم بالله


فيصل : كيف؟؟


عبد العزيز : لقيتها اون لاين وكلمتها ولقيتها حاطه مسج تلقائي وشكلها ناسيه اني ما اعرف اسمها وكاتبه فيه اللي تبيني ضروري تتصل على جوالي ونقطتين وبعدين وريف


فيصل : اسمها وريف؟؟


عبد العزيز : ايه


فيصل: وعععع


عبد العزيز : وجعععع وش تبي اسمها ؟؟؟ جاسيكا؟؟


فيصل : هههههههههههههههه حلوه جاسيكا وكتاباتها بالفصحى




اليوم الأحد .. موعد مباراة فريق زياد مع الفريق المنافس لهم عالنهائي .. صلى زياد العصر ودعا من كل قلبه ((ياااااااااارب انصرنا اليوم ووفقني))


وريف وشادن اللي علاقتهم قامت تقوى بالايام الاخيره


شادن اللي متردده تسأل : امممم وريف


وريف: سمي


شادن: شخبار فجر؟؟


وريف افهمت شادن : والله كلهم بخير .. وش رايك شدون بشاورك؟؟


شادن : وشو


وريف: نرد لهم زيارتهم؟؟ احس لازم


شادن بوناسه: أيـــــــه والله لازم


وريف ((يالبى قلب اللي يحبون)) : بس امي صعبه نجرجرها معنا بهالكرسي .. تعب عليها


شادن : ولا تعب ولا شي ناخذ الشغاله معنا وهي تتكفل بها


وريف : بس امك


شادن اللي تذكرت ان امها هي سبب اللي كانت فيه: امي عندها بدال الشغاله عشره




بهالوقت دخل عليهم زياد : سلااااام


وريف+شادن: وعليكم السلام


زياد: اشوى انك صرتي اختي ادخل البيت بدون ما اتنحنح ههههههه


البنات: هههههههههههههههههههههه


وريف: اليوم مباراتكم؟؟


زياد: ااااه ايه اليوم والله خصمنا يخوف


شادن : الله يوفقك وتفوزون بعشر اهداف


زياد: ههههههههههههههههه حشى كرة سله ماعاد هي كرة قدم


وريف: هههههههههههههههههههههههه


زياد: يالله عن أذنكم ادعولي




أخذ زياد شنطته وطلع.. وريف شاورت امها بالزياره ووافقت امهم.. واتصلت على فجر يحددون موعد


وريف: هلا فجر


فجر: هلا والله


وريف: شخبارك عساك بخير؟


فجر: والله بخير وشلون اخوك الجديد ههههههههه


وريف بتحرجها : وليش تسألين ؟؟؟


فجر اللي ما كان قصدها : يهب ياوجهك ماقصدت شي


وريف: هههههههههههه بخير ادعيله عنده مباراه مهمه


فجر : اليوم؟؟


وريف: ايه .. بغيت انسى


فجر: وشو


وريف: ترى بنزوركم


فجر: وااااااااااااااااااو وناسه متى؟؟


وريف: انتو حددو اللي يناسبكم


فجر: خلاص اكلم ماما وسلوم وارد لكم خبر


وريف: زين مع السلامه




جووري اللي كانت تلعب مع سلمان اونو


جوري: هيييييييييييييييييييييييييه غلبتك للمره الاربعين بعد الميه


سلمان: يالنصابه هههههههههههههههه ((وفجأه تعقدت حواجبه وصرخ))آآآآآآآآآآآآآآآآآآآآه


جوري رمت الي بيدها وصرخت : يبه وش فيك؟؟؟


سلمان يحاول يبتسم : لالا مافيني شي بس آآآه


جوري ارتاعت راحت تنادي فجر اللي جالسه تتفرج عالمباراه من الطفش


جوري ببكاء: فجرررررررررررررررررررر فجررررررررررررر الحقيني


فجر: وش فيك ؟؟؟؟


جوري تشاهق : بابا ... بابا بيروح






====